मुंबई: CET Exam Twice a Year महाराष्ट्रातील 14 लाखांहून अधिक विद्यार्थ्यांसाठी राज्य सरकारने अत्यंत मोठा आणि दिलासादायक निर्णय घेतला आहे. पुढील शैक्षणिक वर्षापासून राज्यातील सर्व 19 सामाईक प्रवेश परीक्षा (CET) वर्षातून दोन वेळा घेतल्या जाणार आहेत. उच्च व तंत्रशिक्षण मंत्री चंद्रकांत पाटील यांनी ही ऐतिहासिक घोषणा केली आहे.
रायगड जिल्ह्यातील लोणेरे येथील डॉ. बाबासाहेब आंबेडकर तंत्रशास्त्र विद्यापीठात आयोजित एका कार्यक्रमानंतर पत्रकार परिषदेत बोलताना पाटील म्हणाले की, विद्यार्थ्यांना गुण सुधारण्याची संधी मिळावी आणि एकाच परीक्षेच्या तणावातून मुक्तता मिळावी यासाठी हा निर्णय घेतला आहे. विद्यार्थ्यांच्या मागणीचा विचार करून हा निर्णय घेण्यात आला आहे.
14 लाख विद्यार्थ्यांना होणार थेट फायदा
CET Exam Twice a Year महाराष्ट्र राज्य सामाईक प्रवेश परीक्षा कक्ष (State CET Cell) मार्फत दरवर्षी विविध अभ्यासक्रमांसाठी एकूण 19 CET घेतल्या जातात. यामध्ये MHT-CET अभियांत्रिकी, फार्मसी, MBA/MMS, MCA, Law 5 वर्ष आणि 3 वर्ष कोर्स, B.Ed., M.Ed., B.P.Ed., BHMCT, B.Design, B.A B.Ed, B.Sc B.Ed अशा परीक्षांचा समावेश आहे. या सर्व परीक्षांसाठी दरवर्षी राज्यभरातून 14 लाखांहून अधिक विद्यार्थी अर्ज करतात.
गेल्या शैक्षणिक वर्षात प्रायोगिक तत्वावर फक्त अभियांत्रिकी, वैद्यकीय आणि व्यवस्थापन या तीन अभ्यासक्रमांसाठी दोनदा CET घेण्यात आली होती. या निर्णयाला विद्यार्थी आणि पालकांकडून मोठा प्रतिसाद मिळाला. अनेक विद्यार्थ्यांनी दुसऱ्या प्रयत्नात चांगले गुण मिळवले, त्यामुळे आता सर्व अभ्यासक्रमांसाठी हा नियम लागू करण्यात आला आहे.
Best Score ग्राह्य धरला जाणार आणि 15 दिवसात नियमावली
या नवीन नियमानुसार विद्यार्थ्याला एकाच वर्षात दोन वेळा CET देता येणार आहे. पहिल्या परीक्षेत काही कारणाने कमी गुण मिळाले किंवा पेपर अवघड गेला, तर दुसऱ्या परीक्षेत तो आपले गुण सुधारू शकतो. दोन्ही परीक्षांपैकी जो सर्वोत्तम स्कोअर असेल, तोच प्रवेशासाठी ग्राह्य धरला जाणार आहे. यामुळे विद्यार्थ्यांवरील मानसिक ताण कमी होणार आहे.
दरम्यान, या परीक्षा कशा पद्धतीने घ्यायच्या, परीक्षा केंद्रे कशी असतील, पेपर तपासणीची पद्धत काय असेल याबाबतची सविस्तर कार्यपद्धती आणि नियमावली CET Cell पुढील 15 दिवसात अधिकृतपणे जाहीर करणार आहे.
“हे सुद्धा वाचा: MHT CET चा निकाल कसा पाहायचा? आणि CET Cell चे वेळापत्रक”
## अशाच महत्वाच्या बातम्या वाचण्यासाठी आमच्या वेबसाईटला भेट द्या महाराष्ट्रातील ताज्या घडामोडी, शिक्षण, नोकरी आणि सरकारी योजनांच्या सर्वात जलद अपडेट्ससाठी Batmikattanews.com ला दररोज भेट द्या.