मुंबई: dushkal anudan 5000 अंतर्गत महाराष्ट्रातील शेतकऱ्यांसाठी दिवाळीपूर्वी मोठी खुशखबर आली आहे. राज्यातील गंभीर दुष्काळी परिस्थिती पाहता मुख्यमंत्री देवेंद्र फडणवीस यांनी तब्बल 7500 कोटी रुपयांचा दुष्काळ निवारण पॅकेज जाहीर केला आहे. या योजनेअंतर्गत राज्यातील सुमारे दीड कोटी शेतकऱ्यांच्या बँक खात्यात थेट 5000 रुपये Advance मदत म्हणून जमा केले जाणार आहेत.
Maharashtra Drought Relief :आज झालेल्या मंत्रिमंडळ बैठकीत हा महत्त्वपूर्ण निर्णय घेण्यात आला. यापूर्वी 265 तालुके दुष्काळग्रस्त म्हणून जाहीर केले होते, आता त्यात वाढ करून 305 तालुक्यांना दुष्काळग्रस्त म्हणून घोषित करण्यात आले आहे. विदर्भ आणि मराठवाड्यातील बहुतांश तालुक्यांचा यात समावेश आहे, ज्यात बुलढाणा जिल्ह्याचाही समावेश आहे.
सगळ्यात महत्त्वाची बाब म्हणजे, मुख्यमंत्री फडणवीस यांनी बँकांना स्पष्ट आदेश दिले आहेत की, शेतकऱ्यांच्या खात्यात जमा होणाऱ्या या 5000 रुपयांमधून कोणतीही कर्जवसुली किंवा कपात करू नये. शेतकऱ्याला पूर्ण रक्कम मिळालीच पाहिजे. मागील वर्षांच्या तुलनेत यंदा मदत वाटपाची प्रक्रिया अधिक वेगाने करण्याचे निर्देशही देण्यात आले आहेत.
Maharashtra Drought Relief :राज्यात अनेक ठिकाणी पिकांचे मोठे नुकसान झाले असून पाणीटंचाईचे संकटही गंभीर आहे. या पार्श्वभूमीवर सरकारच्या या निर्णयामुळे शेतकऱ्यांना मोठा दिलासा मिळणार आहे. लवकरच पात्र शेतकऱ्यांची यादी आणि पैसे जमा होण्याची तारीख जाहीर केली जाणार आहे.
या मदतीसाठी शेतकऱ्यांना कोणताही नवीन अर्ज करण्याची गरज नाही. यापूर्वी ई-पीक पाहणी आणि सातबारावर नोंद असलेल्या शेतकऱ्यांना ही मदत थेट दिली जाणार आहे. जिल्हाधिकारी कार्यालयामार्फत पात्र लाभार्थ्यांची यादी तयार करण्याचे काम युद्धपातळीवर सुरू आहे. ज्या शेतकऱ्यांचे बँक खाते आधारशी लिंक नाही, त्यांनी तात्काळ लिंक करून घ्यावे, असे आवाहन कृषी विभागाने केले आहे.
दरम्यान, विरोधकांनी या मदतीला तुटपुंजी मदत म्हटले असले तरी शेतकरी संघटनांनी सरकारच्या या निर्णयाचे स्वागत केले आहे. दिवाळी सणाच्या तोंडावर मिळणारी ही मदत शेतकऱ्यांसाठी आधार ठरणार आहे. बुलढाणा, अकोला, जळगाव, बीड, छत्रपती संभाजीनगर जिल्ह्यातील शेतकऱ्यांना या योजनेचा सर्वाधिक फायदा होणार आहे.
या योजनेमुळे शेतकऱ्यांना रब्बी हंगामासाठी बियाणे आणि खते खरेदी करणे सोपे होणार आहे. सरकारने लवकरच अधिकृत जीआर काढून सविस्तर माहिती जाहीर करणार असल्याचे सांगितले आहे.
अधिकच्या बातमी वाचण्यासाठी आमच्या बातमी कट्टर न्यूज ला भेट द्या.